အခက်ခဲဆုံးပုစ္ဆာတခု

စိတ်သည်ဘာသာတရားတိုင်း၏ အဓိက ပဟေဠိနေရာမှာတည်၏.. ဆင်းရဲခြင်း ချမ်းသာခြင်းတို့၏ သော့ချက်လည်းဖြစ်၏.. စိတ်စွမ်းရည်ကို ရရှိရန်လေ့ကျင့်အားထုတ်ရာ၌ အခြားသောဘာသာတရားတို့၌ အကန့်အသတ်ရှိ၏ ထာဝရဘုရားသော်လည်းကောင်း-ဖန်ဆင်းရှင်သည်သော်လည်းကောင်း လူသားတို့စိတ်စွမ်းရည်၏ အထက်၌တည်၏။       သို့ဖြစ်၍ လူသားသည် မည်သို့သောနည်းလမ်းဖြင့်မျှ ဖန်ဆင်းရှင်နှင့်တန်းတူအဆင့်ကိုမရနိုင် ၊ ဖန်ဆင်းရှင်/ ထာဝရဘုရား၏ တည်ရှိမှုနှင့်သက်ဆိုင်သော မေးခွန်းမျိုးကို ကြံစည်စဉ်းစားခြင်းသည်ပင်လျှင် ပြစ်မှုလွန်ကြူးခြင်းဖြစ်နေပေပြီ ၊ မည်သို့ပင်ဆိုစေ ဤအယူအဆသည် သူတို့၏ယုံကြည်မှုဖြစ်၍ တစုံတရာ အပြစ်ဆိုဖွယ်မရှိ ၊ ဤနေရာ၌ကား ထိုအခြားဘာသာတရားတို့၌ စိတ်ကိုစွမ်းအားမြင့်အောင်   လေ့ကျင့်ရာဝယ် အကန့်အသတ်ရှိမှုကိုသာဆိုလိုရင်းဖြစ်ပေသည်…

ဆက်ဖတ်ရန်>>>

ဝဋ်နှောင်ကြိုး

ပိုင်ဆိုင်မှုသည် အချုပ်အနှောင် (နှောင်ကြိုး) တမျိုးဖြစ်၏ ၊
ပိုင်ဆိုင်မှု ၌ ပြန်လည်ရစ်ပတ်တတ်သော ချုပ်ကိုင်ခြင်း
သဘောရှိရကား ထို အရာသည် မိမိကို ပိုင်ဆိုင်သွားပြန်၏ ၊ ဆိုလိုသည်ကား မိမိက တစုံတခုကို ပိုင်ဆိုင်လာသောအခါ တစုံတခုကလည်း မိမိကိုပြန်လည်ပိုင်ဆိုင်သွားတတ်ခြင်းပင်တည်း.၊
ဥပမာ... သင်သည်ကားတစီးကို ပိုင်ဆိုင်သည်ဆိုပါစို့--သင်က ထိုကားကို ပိုင်ရှင်အနေဖြင့်ဆက်စပ်သည်နှင့်တပြိုင်နက် ကားကလည်းသင်၏ အပိုင်ဆိုင်ခံအနေဖြင့် သင့်နှင့်ပြန်လည်ဆက်စပ်တော့၏ .. သင့်ကိုပြန်လည်ရစ်ပတ်တော့၏....
သင်၏ကား ဘယ်မှာနည်း..ဟု မေးလျှင်ထိုကားကိုညွှန်ပြရသကဲ့သို့-- -ထိုကား၏ပိုင်ရှင် ဘယ်သူလဲ-ဟုမေးလျှင် သင့်ကိုပင်ပြန်လည်ညွှန်ပြရပေလိမ့်မည်.. ထိုသို့ဖြစ်ခြင်းကား--- သင် နှင့် ကားတို့၏ အကြား၌ ပိုင်ဆိုင်ခြင်းဖြင့် တွဲစပ်ထားသောကြောင့်ဖြစ်၏ .၊ ထို့ကြောင့် ပိုင်ဆိုင်ခြင်းသည် ရစ်ပတ်ချည်နှောင်တတ်ရကား ကြိုးနှင့်တူ၏..။။

လွတ်လပ်လိုသူ လွတ်မြောက်လိုသူသည် ထိုကြိုးကိုဖြတ်တောက်ရ၏ ..၊ ရှင်းလင်းရ၏ ..၊

ဆက်ဖတ်ရန်>>>